De Porijkes VaM

Muziek: Banda Piazolla
Tekst: Serafijn Van Damme

Mien oma wilt de weèreld goon ontdékke, Goon toere op eene brommer weij de gékke
Van aan de Maaskaant nao het groete China, dao wilt ze goon allein op heure Vespa
En eète deijt me’n oma met twie stékskes, ze dreug auch van deij gékke zije pékskes
Mét de’n helm op de kop, en gét eète van de Wok,
trék mien oma met de Vespa door het laand

Mien oma op heure Vespa, Leut de boel veur wat het és en trék nao China
Weg weeze, en niks te vreeze, want ze wilt allein nog kalle mét Chineeze
Sjoen sjoon Jang, aw trek tréktang, jao mien oma spruk Chinees weij eene Pisang
Mien oma heur soirees, eindige steevas mét Chinees

De haore vaan mien oma zien geijn echte, Ze heèt nauw van die lange zwarte vlechte
En als ze mét de Vespa gét toere daan wappere die vlechte roond he’r oere
Chineese keuke vind mien oma lekker, mét alles trop en traan het kin neet gékker
Met heur stekskes ien de haand geijt mien ome heure gaank
Brommert oma met de vespa door het laand

refrein

Dao geijt mien oma met heure Vespa op weèg nao China zuug ze goon
En met heur vlechte és ze aan’t vechte zien het gein echte zuug ze goon

Mien oma op heure Vespa ……. Mien oma op heure Vespa
Sjoen sjoon Jang, aw trek tréktang, jao mien oma spruk Chinees weij eene Pisang
Mien oma heur soirees, eindige steevas mét Chinees
Mien oma heur soirees, eindige steevas mét Chinees

Dao geijt mien oma met heure Vespa op weèg nao China zuug ze goon
En met heur vlechte és ze aan’t vechte zien het gein echte zuug ze goon
Dao geijt mien oma met heure Vespa op weèg nao China zuug ze goon
Dao geijt mien oma met heure Vespa op weèg nao China zuug ze goon